Vawiin September 6, 2023 (Nilaini) chawhma dar 11 khan Art & Culture Department, Govt. of Mizoram, The Heritage Consortium, Patna leh HDFC Bank ṭang hovin an buatsaih ni hnih chhung awh Record vawn ṭhat dan chungchang inzirtirna Workshop, "Two Days Workshop on Preventive & Curative Measures of Archival Records Along with the Latest Methods of its Storage" chu Archives Hall, Babutlang-ah neih tan a ni a, workshop hian naktuk ni 7.9.2023 thleng a awh ang. He Workshop hi Chief Secretary Dr. Renu Sharma chuan khuallian niin a hawng nghal a ni.
Workshop hawnna Programme hi Art & Culture Secretary Pu Lalthansanga, MF&AS chuan a kaihruai a. Pu Lalmuanpuia, Archivist chuan Introductory Speech sawiin Resource Person Dr. Vinita Sinha, Professor, Indraprastha College for Women, Delhi University leh Azfar Ahmad, Project Head, The Heritage Consortium, Patna te hnen aṭangin an hnathawh dan leh India ram hmun hrang hranga Records vawnṭhat dan zirtirna an lo kal pui tawh dante ngaihthlak a ni.
Khuallian Dr. Renu Sharma, Chief Secretary chuan thu sawiin hetiang Workshop hi Mizoram-a a vawikhatna a nih thu leh hemi kawnga ṭan lak zel a pawimawh thu a sawi a. Mizoram State Archives chu Mizoram sorkar record vawng ṭhatu chauh ni lovin kohhran leh pawl Archives te kaihruaitu leh an mamawhna zawna ṭanpuitu a nih thu a sawi. Tin, Mizoram Sorkarin record vawnthat a ngaihpawimawh avangin The Mizoram Public Records Act, 2011 a siam thu leh he dan hi Department zawng zawngin an zawm ngei a ngaih thu a sawi.
Hei bakah hian Mizoram State Archives in quarterly newsletter(Tungchaw) an buatsaih thei chu lawmawm a tih thu leh he newsletter ah hian Mizoram State Archives chung chang chauh ni lovin Church Archives leh Institutional Archives te pawhin hmang tangkaiin an hmasawnna chungchang te, article te leh report te pawh tarlang ve thin se a duh thu a sawi bawk.
Workshop-ah hian District Commissioner Office zawng zawng atangin aiawh an kal kim thei a. Heng bakah hian Lai Automous District Council leh Mara Autonomous District Council atang te, kohhran hrang hrang Records vawngṭhatute leh zirna in aiawhte an tel a ni. Chawhnu lamah Technical Session leh Practical neih a ni a. Chemical Treatment tih dante a taka inzirtirna hun an hmang a ni.
