Art & Culture Department hnuaia wing hrang hrang - Tribal Research Institute, Mizoram State Museum, Mizoram State Archive leh Mizoram Publication Board te buatsaih ni hnih awh Museum, Archive Record Exhibition & Book sale chu Kolasib-a Taitesena hall-ah ni 14&15^th Oct. 2026-ah hlawhtling taka neih a ni.

A hawnna inkhawm tawi hi ni 14^th.Oct.2026 dar 10:00 AM ah exhibition & book sale neihna hmun Taitesena hall, Venglai-ah neih a ni a, Pu C Lalruatfela, Curator(MSM)-in kaihruaiin Pu RK Lalawmpuia, SRO (TRI)-in Report pein thusawina hun a hmang a, Pu Paul Lalringzuala, Archivist(MSA)-in lawmthu sawina hun  hun a hmang bawk a ni. He huna Khuallian Pu H Dolianbuaia, Deputy Commissioner, Kolasib District chuan thusawiin Exhibition & Booksale hi a hawng a, a mah tawiawmtute nen stall & gallery hrang hrang te a fang kual nghal a ni.

A nikhat ni – 14th.Oct.2026-ah hian School 9 (pakua) a zirlai te bakah khawtual mi leh sorkar hnathawk te atangin tlawhtu ( visitor) 1776 an awm a. A nihnihna 15^th.Oct.2026- ah School hrang hrang 7 leh Nursing School, Thingdawl a zirlai te bakah sorkar hnathawk leh khawtual mi tlawhtu ( visitor) 820 an awm bawk a ni. TR I wing ten lehkhabu 150 bawr vel bakah MPB in lehkhabu 170 bawr vel an hralh chhuak bawk a ni. Exhibition chhunga tkawhtu zawng zawng hi 2696 lai an tling a ni.

Exhibition & Book sale hi zirlaite leh mipuiin  an hlutin tha an ti hle a, tlawhtu pawh an awm tha a, hlawhtling takin he ni hnih awh programme hi hman a ni.