International Archives Day vawi 75-na pualin June 9, 2023 (Zirtawpni) chawhma dar 10:30 khan Archives Hall, PWD Tlangah Mizoram State Archives Quarterly Newsletter thar 'Tungchaw' tlangzarhna hman niin chawhnu lamah Records vawnthat chung chang zirtirna Seminar buatsaih a ni. He Programme hi Pu Lalmuanpuia, Archivist chuan kaihruaiin Pi Carol VLMS Dawngkimi, DIrector, Art & Culture Deptt. chu Khuallian a ni a, Archives lama sulhnu tam tak lo nei tawh Director kal chhuak  ta Pu R. Hmingthanzuala chuan he hun hi a hmanpui bawk.

Khuallian chuan thawktu indaih lohna kara hetiang chona lian tak hmachhawn ngama Tungchaw Newsletter an buatsaih thei chu lawmawm a tih thu sawiin Tungchaw Newsletter hi a tlangzarh.

Tungchaw Newsletter hi thla thum dana chhuah thin tur, Quarterly Newsletter a ni a. Mizoram State Archives hmalakna tarlanna tur a nih bakah Records pawimawhna chung changa Awareness leh a vawnthat kawnga zirtirna tarlanna tur a ni.

Tungchaw tlangzarhna hi Technical Session in a chhunzawm a; Pu F. Lalthanmawia, Senior Research Officer chuan 'Archives Kalphung leh a Pawimawhnate' tih thupui hmangin Paper Presentation a nei a, chhun chawlh pahin Mizoram State Archives-a Records dahna hmunte fangin an hnathawh dante enho a ni.

Chawhnu lamah zawhna leh chhanna hun, sawihona hunte hman a ni a. Kohhran hrang hrang Archives ten an hnathawh dan leh an thlen chin Report pein hmalak zel dan turte sawiho a ni a, a hlawhthlakin he Seminar hi a hlawhtling thawkhat hle.

International Archives Day puala Programme buatsaihah hian Synod Archives, Aizawl Theological College, UPC North East India, Cathedral Church Kulikawn, Baptist Church of Mizoram, Mizoram University, ICFAI University, Govt. Hnahthial College, MADC Art & Culture Deptt., Directorate of Tourism, Agriculture Department leh Art & Culture Department chhunga Departmental Records Officer te an tel bawk.