Training on Record Management Hmang

Mizoram sawrkar hnuaia Secretariat leh Department hrang hranga Record pawimawh tak tak kan neih mekte vawnhim kawnga mumal zawka hmalak a nih theih nan Mizoram sawrkar hnuaia Under Secretary, Deputy Director (Admin.) leh Superintendent te pualin Record vawn dan zirho a ni.

Vawiin (May 24, 2018 Ningani) chawhma dar 11:15 khan ATI Auditorium, New Secretariat Complex ah Pu Sangdingliana, I.A.S., Secretary, Art & Culture chuan Training hi a hawng a. Hawnna thu sawiin Record hi sawrkar tana pawimawh leh vawnthat tul leh kan mamawh ngawih ngawih a nih bakah The Mizoram Public Records Act, 2011 leh The Mizoram Public Records Rules, 2014 kan neihin a phut angin Secretariat leh Department hrang hrangah Record Room kan neih a tul a ni a ti. Hawnna inkhawm hi Pu R. Hmingthanzuala, Director, Art & Culture in kaihruaiin, Pu K. Lalruala, Dy. Director-in lawmthu a sawi a. Training hun hi Session hnihah thenin Pu F. Lalthanmawia, Archivist, Mizoram State Archives leh Pu Lalmuanpuia, Sudt.of Archives ten Record vawn pawimawhna, a kalphungte leh The Mizoram Public Record Act, 2011 leh The Mizoram Public Records Act, 2014 zirho a ni. Training ah hian Department hrang hrang 51 atangin officer 67 an tel bawk.