8th March 2024 (Zirtawpni) chawhma dar 11:00 khan Lunglei DC conference Hall-ah Art & Culture Department leh Lunglei DC Office ten an buatsaih “One Day training programme on Public Records Management” chu hlawhtling taka neih a ni a. Pu James Miahlung, Addl.DC(P) chuan training programme hi kaihruaiin, Pu Lalmuanpuia, Archivist, Mizoram State Archives chuan resource person niin zirtirna a pe a. Training-ah hian Lunglei district chhunga office hrang hrang aiawh officer/ dealing Assistant te an tel a.

Resource Person Pu Lalmuanpuia, Archivist chuan  Departmental Records Room chungchang leh neih ngei tur a nih thu te, Records Officer ruat chungchang, Records tihchhiat theih dan te, The Mizoram Public Records Act, 2011 leh The Mizoram Public Records Rules, 2014 in Records vawnthat kawnga tih tur leh tih loh tur a sawi hrang hrangte Training chhimtute hnenah hian a sawi a. Department lamin kan tih tur kan tih that tawk loh avanga Records vawnthat kawnga harsatna a awm nasa thu te, Department hrang hrangte mawhphurhna chungchangte a sawi bawk a ni.