Vawiin June 28, 2024 (Zirtawpni) khan Art & Culture Department changtu Minister Pu C Lalsawivunga chuan Mizoram State Archives a tlawh a, Record vawnthat kawnga Mizoram State Archives dinhmunte enin thawktute nen inkawm hona an nei. Minister hi Art & Culture Department Secretary Pi Florence Zotluangpuii, Jt. Secretary Pi Zonunthari leh Director Pi Carol VLMS Dawngkimi ten an tawiawm a ni.

Pu Lalmuanpuia, Archivist chuan Record vawnthatna hmunpui ber Stack Area fanpuiin Record an vawnthat dan leh an hnathawh dan hrang hrang te, Fumigation Chamber hnathawh dante a hrilhfiah a, Record vawnthatna hmanraw tha zawk an mamawh thute a sawi bawk. Digitization Cell te tlawhin heng Digitization kalpuitu tur leh a enkawltu tur thawktu an neih loh thute leh harsatna hrang hrangte a thlen bawk a ni.