23 July, 2023 (Nilaini) chawhma dar 9:30 khan Dr. Renu Sharma, Chief Secretary, Government of Mizoram chuan Mizoram State Archives a tlawh.
Chief Secretary hian September ni 6&7, 2023-a The Heritage Consortium, Patna, HDFC Bank, leh Art & Culture Department-te tanghovin Mizoram State Archives Hall a an buatsaih tur ‘Workshop on Preventive and Curative Measures of Archival Records Along with the Latest Methods of its Storage' chung changah a hmun leh hma turte endikin hmalak dan turte thawktute a kawhhmuh a. State Archives-a records vawnthat mek chu beitham hlea a hriat thu leh Record pawimawh vawnthat kawngah Mizoram Sorkar hnuaia Department hrang hrangte chu tan kan lak a ngai hlea a hriat thu a sawi.
Chief Secretary hi Art & Culture Secretary, Pu Lalthansanga, Director, Pi Carol VLMS Dawngkimi leh Pu K Lalruala, Deputy Director ten an tawiawm a, Pu Lalmuanpuia, Archivist chuan a lo dawngsawng a ni. Dr. Reenu Sharma hi Chief Secretary Mizoramin kan neih tawh zinga Mizoram State Archives tlawh hmasa ber a ni.
